Я. Колас. "На гасцінцы" [1906-1907]

 

М. Кремер. "Зимняя дорога"

Чыстым інеем пакрыты

На гасцінцы беразняк,

Космы густа ім абвіты;

Ў белым снезе маладняк.

 

Свішчуць сані на марозе,

Коні рвуцца і хрыпяць.

Крык і гоман на дарозе,

Бомы стогнуць і звіняць.

 

Скверыць холад. Пабялелі

Вусы, світка вазака,

Толькі шчокі счырванелі

Ад марозу ў мужыка.

 

Перад святам заработкі,

А дарога, як сляза...

Толькі бухаюць калодкі,

Толькі свіст ад палаза!..

Крыніца: Колас, Я. Збор твораў: у 20 т. Т. 1. Вершы (1898-1910) / Я. Колас. - Мінск : Беларуская навука, 2007. - 622 с.