Я. Колас. "Асенні вечар" (1906)

 

И. Виеру. "Осень в деревне"

Бура вые. Лес гамоніць,

Як на сходзе дзе народ.

Вецер хмары так і гоніць;

Дождж, і гразь, і галалёд.

 

На камінку корч пылае;

Каля печы дзед сядзіць.

Бацька лапці папраўляе,

Маці ніткі села віць.

 

Вецер вые, не сціхае,

Дзіка ў коміне шуміць,

То заплача, заспявае,

То па стрэсе прабяжыць.

 

Ціха ў хаце. Сэрца ные,

Страх душу апанаваў.

Чаму ж, вецер, думкі злыя

Ты ў душу маю нагнаў?

Крыніца: Колас, Я. Збор твораў: у 20 т. Т. 1. Вершы (1898-1910) / Я. Колас. - Мінск : Беларуская навука, 2007. - 622 с.