Я. Колас. "Вясна" (1907)

 

И. Бархатков

Вясна прыйдзе, снег пагіне,

Вышэй сонца хадзіць стане,

Промень ясны ўсюды кіне,

Рунь падыме на паляне.

 

З гор пальюцца перавалы,

Раскуюцца рэчкі з шумам,

Выйдзе з хаты стар і малы

Гаманліва дружным тлумам. 

 

Убярэцца лес бязлісты

У гарнітур свой зялёны,

Шугне вырай галасісты,

Камары заб’юць у звоны. 

 

Зашуміць трава густая,

Кветкі ў лузе засмяюцца.

Вясна прыйдзе маладая,

Ўсюды песні панясуцца.

Крыніца: Колас, Я. Збор твораў: у 20 т. Т. 1. Вершы (1898-1910) / Я. Колас. - Мінск : Беларуская навука, 2007. - 622 с.